Нийтлэгч: Эрх зүйч А.Номин-Эрдэнэ 

Сайн байна уу, хууль зүйн мэдлэгийг хялбар, ойлгомжтой хүргэх зорилгоор АКР хуулийн фирмээс гаргаж буй ээлжит блогоороо уулзаж буйдаа таатай байна.  

1. Компани татан буулгах тухай  

2. Татан буулгах тухай хувьцаа эзэмшигчдийн шийдвэр гаргах  

3. Өдөр тутмын сонинд зар нийтлүүлэх  

4. Улсын бүртгэлийн газарт мэдэгдэл хүргүүлэх  

5. Шүүхийн шийдвэр гүйцэтгэх байгууллагаас өр төлбөргүйн лавлагаа авах  

6. Татвар төлөгчийн хасалтын карт гаргуулах 

7. Дуусгалтын тайланг гаргах  

8. Тамга, тэмдэг хураалгасан баримт авах 

9. Улсын бүртгэлээс хасалт хийлгэх 

   

1. Компани татан буулгах тухай  

2. Татан буулгах тухай хувьцаа эзэмшигчдийн шийдвэр гаргах  

1. Татан буулгах комиссын гишүүдийг томилох,  

2. Татан буулгах хугацааг тогтоох,  

3. Үлдэгдэл эд хөрөнгийг хуваарилах,  

4. Татан буулгалтын комиссын гишүүдэд олгох итгэмжлэлийг багтаах ёстой.

Хуралд гаргасан шийдвэрийн дагуу хувьцаа эзэмшигч нь татан буулгах комиссын гишүүдэд шаардлагатай итгэмжлэлийг олгоно. 

Комиссын гишүүдэд итгэмжлэл олгохдоо хуулиар зөвшөөрөгдсөн бүх төрлийн бүрэн эрхийг багтаан олгох нь зүйтэй. Ингэснээр татварын байгууллагын хяналт шалгалт болон дараагийн бусад шат дамжлагад комиссын гишүүд шууд оролцож, шаардлагатай баримт бичгийг гаргах, тайлбар өгөх, шийдвэрт гарын үсэг зурах зэрэг үйлдлүүдийг цаг алдалгүй хийх боломж бүрдэнэ.  

Ингэж бүрэн эрхтэй итгэмжлэл олгох нь ажиллагааг саатуулахгүй, хугацаа хэмнэх чухал суурь нөхцөлийг бий болгож, татан буулгах үйл явцыг илүү шуурхай, үр дүнтэй явуулах үндэс болдог.

3. Өдөр тутмын сонинд зар нийтлүүлэх 

Татан буулгах тухай шийдвэр гарснаас хойш 21 хоногийн дотор ямар нэг өдөр тутмын сонинд зар нийтлүүлнэ.  

Зарын агуулгад компанийн регистрийн дугаар, нэр болон татан буулгаж байгаа тухай мэдээлэл заавал туссан байх ёстой. Нийтэлсэн зарын эх хувийг хадгална.  

Энэ алхам нь олон нийтэд мэдээлэл хүргэх, шүүхэд нэхэмжлэл гаргах боломжийг олгох үүрэгтэй байдаг. 

4. Улсын бүртгэлийн газарт мэдэгдэл хүргүүлэх

     Хуулийн этгээдийг татан буулгах тухай шийдвэр гаргасан эрх бүхий этгээд ажлын 15 өдрийн дотор холбогдох улсын бүртгэлийн байгууллагад бичгээр, эсхүл цахим хэлбэрээр мэдэгдэж, татан буулгах тухай шийдвэрийн эх хувийг мэдэгдэлд хавсаргана. 

5. Шүүхийн шийдвэр гүйцэтгэх байгууллагаас өр төлбөргүйн лавлагаа авах  

Татан буулгах явцад компанийн өр, төлбөрийн байдал чухал тул Шүүхийн шийдвэр гүйцэтгэх байгууллагаас өр төлбөртэй эсэх лавлагаа авна.  

6. Татвар төлөгчийн хасалтын карт гаргуулах 

Татварын байгууллагад дараах баримт бичгүүдийг бүрдүүлж өгнө. Үүнд:  

• Татан буулгах тухай албан хүсэлт,  

• Улсын бүртгэлийн гэрчилгээний хуулбар,  

• Захирлын иргэний үнэмлэхний хуулбар,  

• ШШГА-ны лавлагаа,  

• Өдөр тутмын сонинд гаргасан татан буулгалтын зарын эх хувь багтана. 

 Энэ шат нь хамгийн их хугацаа шаарддаг бөгөөд татварын байгууллагаас бүх тайлан, төлбөрийн байдал болон хасалтын шалгалтыг нарийвчлан хянан үздэг. Практикт нөхөн татвар, өр төлбөр гарах эрсдэл өндөр байдаг тул эдгээрийг аль болох багасгах, эсвэл бүр байхгүй байлгахын тулд хуульчийн ур чадвар, туршлага чухал үүрэг гүйцэтгэдэг. 

Иймээс хуульчийн туслалцаа авах нь баримт бичгийн бүрдүүлэлтийг зөв гүйцэтгэх, хяналтын шат дамжлагыг богиносгох, мөн алдаа гарахаас урьдчилан сэргийлэхэд онцгой ач холбогдолтой. 

7. Дуусгалтын тайланг гаргах 

Татварын хяналт дууссаны дараа Аудитын компаниар санхүүгийн тайлангаа шалгуулж аудит хийлгэнэ.  

Түүний дараа харьяа дүүргийн Санхүү, төрийн сангийн хэлтэст хандан дараах материалыг бүрдүүлж өгнө. Үүнд: 

• Компанийн үүсгэн байгуулагдсан цагаас хойшхи бүх санхүүгийн тайлан улирал бүрээр,  

• Дуусгалтын тайлан буюу хаалтын баланс, 

• Аж ахуйн нэгжийн орлогын албан татвар болон суутгалын тайлан, 

• Компанийн нэр дээрх төгрөгийн болон ам.долларын дансны хуулга,  

• Мөнгөн гүйлгээний журнал, 

• Бусад материал 

8.Тамга, тэмдэг хураалгасан баримт авах

Тамга, тэмдгээ хураалгах хүсэлт бүхий албан бичгийг тамга, тэмдгийн хамт улсын бүртгэгчид өгч, тамга, тэмдэг  хураалгасан баримт авч, татан буулгах баримт бичигтээ хавсаргана.  

9. Улсын бүртгэлээс хасалт хийлгэх 

Энэ бүхний дараа нь Татан буулгах комисс нь ажиллагаа дууссан тухай тогтоол үйлдэж хүсэлт болон шаардлагатай бүх баримт бичгийг бүрдүүлж, Хуулийн этгээдийн улсын бүртгэлийн газарт илгээнэ. Эдгээр баримт бичигт: 

1. Хувьцаа эзэмшигчийн шийдвэр  

2. Итгэмжлэл 

3. ШШГА-ны лавлагаа 

4. Татвар төлөгчөөс хассан тухай карт 

5. Татан буулгасан зарлал гарсан өдөр тутмын сонингийн эх хувь 

6. Дуусгалтын тайлан 

7. Улсын бүртгэлийн гэрчилгээ 

8. Тэмдэгтийн хураамж төлсөн баримт 

9. УБ 03, 12 маягтууд 

10. Захирлын пасспортны хуулбар 

11. Бусад баримт бичиг 

Эдгээр бүх алхам, баримт бичгийг үндэслэн улсын бүртгэлийн байгууллага тухайн хуулийн этгээдийг татан буулгасныг ажлын 3 өдрийн дотор улсын бүртгэлийн мэдээллийн санд бүртгэнэ.  

Энэхүү нийтлэлтэй холбоотой дэлгэрэнгүй зөвлөгөө, мэдээллийг авахыг хүсвэл та манай доорх хаягаар холбогдоорой.